[ Torna all'inizio della pagina ]
Acquisto e gestione (artt. 19 e 33)
A pustis de s'intrada in vigore de sa L.R. n° 17 de su 17 de maju de su 1999 chi pertocat "Provvedimenti per lo sviluppo dello Sport in Sardegna", sa Regione at dadu a sas Provìntzias sa cumpetèntzia pro sa destinatzione de su dinari pro atretzaduras isportivas e pro sa gestione de sos impiantos isportivos, in aplicatzione de sos artìculos 19 e 33 de sa normativa regionale mentovada in subra. Custos interventos punnant a illebiare sos òneres, sustènnidos dae sos Entes Locales, Federatziones, Entes de promotzione isportiva e dae sos Assòtzios e Sotziedades isportivas, chi benint dae sa gestione de impiantos isportivos a usu pùblicu in ue sunt praticadas sas disciplinas isportivas chi sunt in s'àmbitu de sas Federatziones reconnotas dae su C.O.N.I. e sas disciplinas assotziadas issoro. Custos òneres faghent riferimentu finas a sa còmpora de atretzaduras pro sa pràtica de disciplinas isportivas in s'àmbitu de sas federatziones de su comma de in antis, sustènnidas dae su C.O.N.I., dae sas Federatziones Isportivas Natzionales, sos Entes de Promotzione isportiva chi òperant in Sardigna, sos Assòtzios e Sotziedades isportivas e sas Organizatziones iscolàsticas.
Iscàrriga inoghe a costàgiu sa modulìstca chi t'interessat e su Regulamentu provintziale in vigore. Sas domandas de cuntributu pro su 2009 cherent intregadas o imbiadas cun posta racumandada A/R a sa Provìntzia de Thàthari – Assessoradu a s'Isport – Pratza de Itàlia 31 – 07100 Thàthari intro su 31 de martzu de su 2009;
Si nde cheres ischire de prus, abàida sa lege regionale n. 17 de su 17 de maju de su 1999
Pro informatziones telèfona a custos nùmeros:
-
Sergio Ibba: 079-2069829
-
Pierfranco Spanu: 079-2069821
