[ Torna all'inizio della pagina ]
Capo Caccia e Punta del Giglio
Capo Caccia e Punta del Giglio
Argumentu:
- Ambiente |
In sa punta meridionale de unu triàngulu calcàreu mannu chi nch'intrat in mare, a pagu chilòmetros dae S'Alighera, b'est Capo Caccia, paradisu de sas grutas sutamarinas, chi est nòdidu mescamente pro sas grutas de Netunu, a ue si arribat dae mare o dae sa Escala del cabirol famada, un'iscalinada de 110 m e 656 iscalinas, chi permitet de lòmpere via terra a sas grutas. Ma Capo Caccia no est custu ebbia: a s'ala otzidentale si presentat che a un'Eden de falèsias mannas mannas, artas belle treghentos metros, e in intro suo b'at una riserva rica de fàuna e de flora. Abarrat una de sas prus zonas incontaminadas de s'Ìsula, una summa de bellesas naturales incredìbiles chi acabant cun unu'ispuntone de roca de 168 metros chi faghet a istrampu in su mare.
Dae su cùcuru chi collegat Capo Caccia a Punta Cristallo, faghet a s'acarare a Cala dell'Inferno, a Cala Tramariglio, a s'Ìsula Piana. O si nono a abaidare a tesu fache a Porto Conte, s’antigu portu romanu de sas Ninfas, o prus in cue de Punta del Giglio, finas a s'Alighera, oe logu turìsticu famadu.
Punta del Giglio est unu promontòriu calcàreu chi paris cun Capo Caccia inserrat sa baia de Porto Conte. Punta del Giglio si caraterizat pro sas falèsias mannas biancas chi, a pustis de s'erosione cajonada dae sas undas de su mare, si sunt fatas bellas che incantu. A segus de sa falèsia b'at una bella zona imbuschida, cunsiderada unu biòtopu de interessu botànicu mannu. Pro sa positzione istratègica dominante intre Porto Conte e S'Alighera, fiat una base antiaerea importante de s'esèrtzitu durante sa Segunda Gherra Mundiale, chi bi sunt galu sas istruturas cun caserma, prataformas de positzionamentu, cannones antiaèreos, casamatas e depòsitos esplosivos, fraigados cun pedras de carchina de su logu e mimetizados a sa bista dae su mare.
Collegamentos
Formulario Natura 2000
Mappa del Sito
