[ Torna all'inizio della pagina ]
Chi siamo
Chie Semus
Argumentu:
- Europe Direct |
Su tzentru Europe Direct Provìntzia de Thàthari apartenet a sa Retza de informatzione Europe Direct, una retza proposta dae sa Cummissione Europea pro fàghere s'Europa prus tangìbile e acanta ca faghet a intermediàriu intre s'Unione Europea e sos tzitadinos a livellu locale. Est caraterizada dae una cobertura territoriale capillare chi permitet de otènnere in su tzentru prus a curtzu informatziones de badas e adeguadas pro s'atividade fata dae s'Unione Europea in sos setores de cumpetèntzia sua. Su tzentru Europe Direct Provìntzia de Thàthari rispondet a s'esigèntzia de fornire a su pùblicu servìtzios de informatzione, orientamentu, assistèntzia e risposta a pregontas subra de sa legislatzione, a sas polìticas, a sos programmas e a sas oportunidades de finantziamentu de s'Unione, duncas rapresentat su puntu de intrada de s'Unione Europea pro chie si siat chi chèrgiat connòschere mègius s'Europa e sas oportunidades chi oferit.
Su tzentru Europe Direct Provìntzia de Thàthari at a ofèrrere acollogimentu a chie si siat chi siat interessadu (giòvanos, iscolas, istudiantes, Universidades, ONG, pessones giurìdicas pùblicas e privadas) in custos servìtzios:
-
servìtziu de informatzione de 'front office' e 'online' subra de s'Unione Europea e su funtzionamentu suo, sos tratados e sa legislatzione
-
servìtziu de assistèntzia e consulèntzia subra de sas ainas de atuatzione de sas polìticas comunitàrias e sas oportunidades de finantziamentu
-
servìtziu de consultatzione pro sa distributzione de badas de paritzas genias de opùsculos, documentatzione e ghias subra de s'Unione Europea.
-
servìtziu de assistèntzia in sa chirca de partner pro sos progetos europeos
