[ Torna all'inizio della pagina ]
Danni produzioni zootecniche
Dannos produtziones zootècnicas
Argumentu:
- Agricoltura |
Massaria - Indennizu dannos fàuna agreste a produtziones zootècnicas
Ite est
Est un'indennizu pro dannos causados a su patrimòniu zootècnicu dae animales agrestes dannàrgios chi cunsistent in:
-
dannos diretos (morte, fertas graves) a animales incruidos in su tziclu produtivu aziendale.
-
dannos cajonados (aurtìngiu, pèrdida de late, pèrdida de produtzione etc.) a animales incruidos in su tziclu produtivu aziendale.
-
Dannos a s'apicoltura causados dae sa predatzione de sas populatziones de abes chi cunsistent in dannos diretos (predatzione de indivìduos) e dannos cajonados (prus pagu produtzione de mele).
Chie tenet deretu
Sos cultivadores diretos e sos impresàrios agrìculos o àteras figuras de condutzione agrìcula chi apant tentu dannos a sas produtziones zootècnicas
A chie pedire s'indennizu
Sos dannos cherent signalados a s'Amministratzione Provintziale Setore Massaria.
Comente otènnere s'autorizatzione
Pro otènnere s'autorizatzione cheret compilada sa modulìstica apòsita allighende su chi est inditadu e cheret indiritzada a su Setore Provintziale Massaria cun racumandada A/R o intreghende·la a manu a sos ufìtzios de s' Amministratzione Provintziale de Thàthari – Pratza de Itàlia n.31 – 07100 THÀTHARI intro de tres dies de traballu dae cando est capitadu su dannu. In custu casu at a bàlere sa data de su timbru postale o si est intregada a manu sa data de protocollu de sa Provìntzia de Thàthari.
Riferimentos normativos
Consultare sa lege regionale n. 23 de su 28 de trìulas de su 1998, a distintu s'artìculu 59.
Rivolto a:
- Impresa |
