[ Torna all'inizio della pagina ]
Energia
S'usu ratzionale de s'energia est unu presupostu chi non si podet rinuntziare pro sa salvaguàrdia de sa salude de totu su Praneta.
Sos Istados aderentes a su Protocollu de Kyoto devent lograre resurtados importantes in tèrmines de cuntenimentu de sos isprecos, impreende sas ainas de atuatzione istabilidas dae su Protocollu etotu. Pro s'Itàlia s'obietivu de minimòngiu pro su perìodu 2008-2012 est fissadu in su 6,5% de mancu de sos balores de su 1990 e, cunsiderende sas tendèntzias in aumentu registradas finas a su 2003, s'Istadu nostru devet agatare su modu de prenare una diferèntzia carculada in prus de 100 Mt/a (milliones de tonnelladas/annu).
Paris cun s'atzione a livellu natzionale, Regiones e Provìntzias devent favorire s'isvilupu cuncretu de progetos e interventos chi potzant agiuare su cambiamentu netzessàriu. Pro custu cunforma a sos artt. 21 e 24 de sa L.R. n.9 de su 12 de làmpadas de su 2006, a sas Regiones est afidada sa podestade de pianificatzione, imbetzes a sas Provìntzias ispetat su còmpitu de redatare sos programmas ispetzìficos de interventu. In prus, a sas Provìntzias sunt atribuidas sas funtziones in matèria de controllu de s'aorru energèticu e promotzione de s'usu ratzionale de s'energia.
Sas Amministratziones provintziales sunt investidas de sos còmpitos e de sas funtziones de
a)redatzione, adotzione e atuatzione de sos pranos de interventu pro sa promotzione de funtes rinnovàbiles, de s'aorru energèticu e de s'usu ratzionale de s'energia.
b)emissione de autorizatziones pro s'installatzione e s'esertzìtziu de sos impiantos de produtzione de energia elètrica cun potèntzia de targa uguale o inferiore a 300 MW tèrmicos;
c)controllu de su rendimentu energèticu de sos impiantos tèrmicos in sas Comunas cun populatzione inferiore a sos baranta mìgia abitantes;
adotzione de sos àutos chi pertocant retzas locale de oleodotos, gasdotos e immagasinamentu de energia, francu sos giatzimentos de metanu;
e)individuatzione de àreas pro sa realizatzione de impiantos e retzas de telecaentamentu;
f)provedimentos chi interessant un'ùnica Provìntzia relativos a:
-
grupos eletrògenos;
-
realizatzione de lìnias elètricas cun tensione uguale o inferiore a 150 kilovolt;
-
installatzione e esertzìtziu de impiantos e depòsitos de ògios minerales e oleodotos relativos de interessu locale;
-
installatzione e esertzìtziu de impiantos e depòsitos de prenadura e iscòlomu o depòsitos de gas combustìbiles;
-
atividade de distributzione e bèndida de gas combustìbiles in bòmbolas e atividade de controllu collegadas;
g)controllu de sa rispondèntzia a su progetu aprovadu de sos traballos de riabilitatzione ambientale, petzi pro su chi pertocat a sas atividades estrativas a s'abbertu (francu sas cumpetèntzias de sas Comunas).
