[ Torna all'inizio della pagina ]
Fonti energetiche rinnovabili
Funtes energèticas
Argumentu:
- Ambiente |
Sa Provìntzia est impignada in s'atuatzione de polìticas de aorru energèticu, aviende s'impreu - mancari a printzìpiu limitadu – de funtes de energia rinnovàbiles, costituit, in prus de un'aorru possìbile de risorsas econòmicas, finas e mescamente, un'esempru de isvilupu sustenìbile e de rispetu de s'ambiente pro sas generatziones de como e benidoras. Sa Provìntzia de Thàthari difatis cheret favorire sa connoschèntzia e s'impreu de sas energias rinnovàbiles tràmite unu protzessu chi devet èssere mescamente culturale. Pròpiu pro custu motivu si cheret realizare unu progetu finas a como petzi formuladu, cuddu pro sa realizatzione de una tzentrale fotovoltàica e de un'àula didàtica in sa sede perifèrica de Serra Secca. Est un'istrutura fundamentale e netzessària pro fàghere cumintzare una sèrie de atziones chi ant a educare a sos temas de s'aorru energèticu, de su ritziclu energèticu e de s'usu de sas funtes netas rinnovàbiles. Est, in custu casu puru, sa manifestatzione de una crara boluntade polìtica, est a nàrrere de sa boluntade de esertzitare in su territòriu cuddu ruolu ativu e propositivu chi devet apartènnere a un'amministratzione chi cheret promòvere una bisione noa, prus dinàmica, cundivìdida e partetzipada, de guvernu locale.
