[ Torna all'inizio della pagina ]
Foci del Coghinas
Foghes de su Coghinas
Argumentu:
- Ambiente |
Su frùmeme Coghinas, su prus importante de s'àrea setentrionale de s'Ìsula, finit in una zona lagunare mutida Foghes de su Coghinas, sede de una riserva naturale de unos 275 ètaros de estensione. Si tratat de sa zona ùmida prus significativa de su Nord Sardigna e bantat paritzas ispètzias de pugiones istantziales e migratòrios chi nidìficant in mesu de sos cannedos in s'oru de su frùmene e de sas isuleddas fluviales.
Sa particularidade prus manna de sa foghe, chi si presentat a delta modificadu o lineare (est a nàrrere una genia de foghe a litorales de arena in un'ùnicu bratzu) est chi su logu est sugetu a modificatziones morfològicas chi faghent su paesàgiu semper diferente. Sa profundidade de su lagu de su delta dipendet si est abberta o nono sa essida a mare (a fitianu serradu in s'istade). In ambos casos, su panorama est ammajadore: sa vegetatzione, abbundante meda in sos oros, iscumparet a curtzu a mare in ue b'at dunigheddas de arena.
In s'ierru, s'àrea est populada dae una variedade manna de pugiones. Pische de Aristanis e lobina sunt, imbetzes, unas cantas de sas ispètzias de pische chi bivent in s'abba de su delta.
Collegamentos
