[ Salta i menù e i servizi e vai direttamente ai contenuti ]

[ Salta al Menù orizzontale ]

In questa pagina sono disponibili i seguenti servizi:
Menù orizzontale [1];
Lingua [2];
Ricerca [3];
Menù di navigazione[4];
Contenuti;

[ Torna all'inizio della pagina ]

[ Salta alla Lingua ]

[ Torna all'inizio della pagina ]

[ Salta alla Ricerca ]

[ Torna all'inizio della pagina ]

Guida all'autocertificazione

Guida all'autocertificazione

Ite est

S'autotzertificatzione est sa facultade reconnota a sos tzitadinos de sostituire sos tzertificados traditzionales cun decraratziones personales sutascritas.

Esistent duas genias de autotzertificatzione: sa decraratzione sostitutiva de tzertificatzione, chi permitet de sostituire unu tzertificadu e sa decraratzione de àutu notòriu, chi permitet de autotzertificare un'istadu, unu fatu, una calidade personale a connoschèntzia direta de s'interessadu.

Sa possibilidade de presentare sas autotzertificatziones fiat prevìdida giai dae su 1968, cun sa lege 15, ma in sos ùrtimos annos ebbia, in s'àmbitu de unu protzessu generale de semplificatzione de sos protzedimentos amministrativos, ant ismanniadu sa portada sua. Difatis sa lege 127 de su 1997 (sa Bassanini bis) e su DPR 403 de su 1998 ant aumentadu sos istados, sos fatos e sas calidades personales chi si podent autotzertificare.

Totu sa disciplina de sas autotzertificatziones est cuntènnida oe in su DPR 445 de su 2000 (Testu Ùnicu pro sa documentatzione amministrativa), chi tenet a destinatàrios sas amministratziones pùblicas (incruidos sos istitutos iscolàsticos de ogni òrdine e gradu e sas universidades), sos gestores de servìtzios pùblicos in sos raportos cun sos utentes e sos privados (chi cherent atzetare documentos autotzertificados).

Comente si faghet

Pro sostituire sos tzertificados, bastat a presentare una decraratzione in pabiru simpre, firmada dae s'interessadu, sena autèntica e sena bullu, chi si podet imbiare finas via fax, cun sa posta o intregada dae àtera una pessone. S'autotzertificatzione tenet su matessi balore de su tzertificadu o de s'àutu chi sostituit siat pro su contenutu siat pro sa balididade temporale.

Sa decraratzione sostitutiva de àutu de notoriedade cheret fata in dae in antis de su dipendente addetu o sutascrita e presentada paris cun sa fotocòpia no autenticada de su documentu de identidade de su sutascritore.

Ite si podet autotzertificare

Si podent presentare decraratziones sostitutivas pro totu sos istados, sos fatos e sas calidades personales de s'interessadu o chi issu nde tenet connoschèntzia. Non si podent autotzertificare: sos tzertificados mèigos, sanitàrios, veterinàrios, de orìgine e de cunformidade CE, de marcos e de brevetos. Si podent autotzertificare cun decraratziones sostitutivas de tzertificatziones:

  • su logu e sa data de nàschida;

  • sa residèntzia;

  • sa tzitadinàntzia;

  • su godimentu de sos deretos tziviles e polìticos;

  • s'istadu de famìllia;

  • s'esistèntzia in bida;

  • sa nàschida de su fìgiu, morte de su maridu/mugere, de su/a babbu/mama, de su fìgiu;

  • sa positzione pro sos òbligos militares

  • sos tìtulos de istùdiu o sa cualìfica professionale;

  • sos esàmenes dados;

  • sos tìtulos de ispetzializatzione, de abilitatzione, de formatzione, de atualizatzione e de cualìfica tècnica;

  • s'iscritzione in albos o elencos in amministratziones pùblicas;

  • su rèdditu, sa situatzione econòmica;

  • su cumprimentu de sos òbligos contributivos;

  • su possessu e su nùmeru de còdighe fiscale, de partida IVA e totu sos datos presentes in s'anàgrafe tributària chi pertocant a s'interessadu;

  • s'istadu de disocupatzione;

  • sa cunditzione de istudiante, de fèmina de domo, de pensionadu;

  • s'assèntzia de cundennas penales e, in generale, sa positzione giurìdica (pro nàrrere, s'èssere rapresentante legale, tutore, curadore, su no èssere fallidu).

Si podent autotzertificare cun decraratziones sostitutivas de àutu de notoriedade:

  • sos fatos, sas calidades personales e sos istados a connoschèntzia de su diretu interessadu, finas si pertocant a àteros sugetos chi issu nde tenet connoschèntzia direta (pro nàrrere, si podet decrarare de èssere erede o afitevole de un'apartamentu);

  • sa cunformidade a s'originale de sa còpia de unu documentu (pro nàrrere, de unu tìtulu de istùdiu o de servìtziu).

  • totu sos datos cuntènnidos in sa carta de identidade o in àteru unu documentu de reconnoschimentu no iscadidu tenent su matessi balore de sos tzertificados currispondentes. Duncas, pro atestare su nùmene, su sambenadu, sa data de nàschida o sa residèntzia bastat a amustrare su documentu de reconnoschimentu.

     

Chie podet fàghere s'autotzertificatzione

Podent fàghere s'autotzertificatzione:

  • sos tzitadinos italianos;

  • sos tzitadinos de s'Unione Europea;

  • sos tzitadinos extracomunitàrios regulares in Itàlia, ma petzi pro sos datos chi si podent averguare in sas amministratziones pùblicas italianas.

Cando una pessone non podet fàghere una decraratzione pro resones de salude, unu parente de a curtzu (su/a maridu/mugere, su fìgiu o àteru unu parente finas a su de tres grados) lu pòdet fàghere in parte sua, in dae in antis de un'ufitziale pùblicu chi nde avèrguet s'identidade.

Deretos e doveres

Est unu dovere de sas amministratziones pùblicas su de atzetare sas autotzertificatziones. Su dipendente pùblicu chi no atzetat s'autotzertificatzione vìolat duncas unu dovere de ufìtziu e podet èssere sugetu a santziones disciplinares e penales pro custu. Sas amministratziones devent averguare chi su chi at decraradu su tzitadinu est beru.

In casu de decraratzione farsa, su tzitadinu podet patire una cundenna penale e pèrdere sos benefìtzios eventuales otentos cun s'autotzertificatzione.


 


 

 

[ Torna all'inizio della pagina ]