[ Torna all'inizio della pagina ]
Interventi dell'Ente
Interventos de s'Ente
S'obietivu de s'ente de lograre un'autonomia in s'àmbitu informàticu s'est cuncretizadu cun diferentes interventos pro sa costitutzione e riorganizatzione de s'istrutura informativa. A distintu, su pranu operativu de sos interventos s'est cuntzentradu a garantire sos primos resurtados pro s'integratzione de solutziones preesistentes in intro de sos setores, a s'acopiamentu istruturale e tecnològicu e a solutziones noas de servìtziu generale de s'ente seguntu sa lògicaClient/Application Server. Cun s'agiudu fundamentale de risorsas umanas noas ispetzializadas a su grupu de traballu de su Setore IX est istadu possìbile isvilupare solutziones noas, in house, cun s'obietivu de integrare e uniformare unas cantas protzeduras e servìtzios indiritzados a sa generalidade de sos dipendentes de s'Ente.
Sun istados fatos interventos istruturales, indiritzados mescamente a su potentziamentu de sas infrastruturas de base de sa retza datos incruende su servìtziu de trasportos datos, chi nde permitet s'imbiu intre sas sedes de sa Provìntzia, e sos servìtzios de interoperabilidade, chi realizant su primu livellu de integratzione intre sas atividades de sos ufìtzios (posta eletrònica, atzessu a internet, trasferimentu file, etc.) e su cablàgiu istruturadu de sas sedes collegadas, in ue non b'est. Duncas si podet afirmare chi sa Retza de s'amministratzione provintziale est oe in gradu de garantire livellos de servìtziu chi assegurent lestresa, continuidade de funtzionamentu e seguràntzia.
A custu propòsitu, sunt istados eseguidos puru interventos pro sa seguràntzia informàtica, siat fìsica siat lògica, chi ant permìtidu de garantire sas cunditziones pro livellos adeguados de integridade, riservadesa e disponibilidade de sas aplicatziones e de sas informatziones de s'amministratzione. Pro su chi pertocat sa seguràntzia fìsica est istadu netzessàriu averguare chi sas àreas chi cuntenent sas cumponentes de su sistema informàticu fiant identificadas e protetas in modu adeguadu, protzedende s'in casu in custu sensu.
Pro su chi pertocat sa seguràntzia lògica, est istada prevìdida una protetzione adeguada de sos datos, de sas aplicatziones etotu e de sos canales de trasmissiones tràmite tècnicas de autenticatzione e de critografia e, in casu de connessiones a retzas esternas, de iscorporatzione cun s'interpositzione adeguada de dispositivos router e firewall.
In fines, pro su chi pertocat su situ internet nou de sa Provìntzia, su setore IX, a pustis de un'indàgine tecnològica riferida a solutziones diferentes basadas in diferentes piataformas tecnològicas, at individuadu in jAPS (Java Agile Portal System, unu sistema nàschidu in Sardigna e in ue traballat dae annos una comunidade de isvilupadores Java ativa meda in s'àmbitu open source), sa mègius solutzione pro cuncretizare su progetu de innovatzione. Custu sèberu non de l'àere fatu pro sas caraterìsticas tècnicas de jAPS, chi in ogni modu abarrat su primu framework italianu open source cun lissèntzia GNU-GPL isvilupadu in Java e otimizatdu pro sa realizatzione de portales pro s'Amminiostratzione Pùblica atzessìbiles segundu sa lege Stanca, l'ant fatu mescamente ca si cunsìderat unu fatore istratègicu s'agiudu de sa comunidade de sos ivilupadores, chi creschet die pro die a inghìriu de custa solutzione tecnològica e chi cuntribuit a unu protzessu de innovatzione contìnua de sa solutzione adotada. S'investimentu econòmicu initziale pro sa realizatzione de su portale nou de sa Provìntzia no est nen pro su software, nen pro s'hardware, ca su software open source impreadu non tenet bisòngiu de màchinas chi siant capatzes meda, duncas s'at a pòdere a sighire a usare su server atuale, sena costare àteru dinari a s'amministratzione. S'investimentu imbetzes punnat a sa formatzione de sistemistas e de su personale internu, tràmite sa consulèntzia esterna de sa comunidade de isvilupadores jAPS.
