[ Torna all'inizio della pagina ]
La nostra missione
Sa missione nostra
Argumentu:
- Europe Direct |
Su tzentru Europe Direct Provìntzia de Thàthari est inseridu in su sistema de comunicatzione e informatzione de sa Provìntzia in riferimentu a temàticas ligadas a s'Unione Europea, siat in calidade de Autoridade de gestione Ausiliària de su PIC Interreg IIIA, siat comente sugetu promotore de su protzessu de governance e isvilupu locale, connotu comente “Patto del Nord Ovest”. In cunfrontu de s'esperièntzia manna de sa Provìntzia in matèria de comunicatzione, su Tzentru Europe Direct cunfirmat s'esigèntzia de creare un'isportellu europeu in ue si unint totu sos obietivos istratègicos cundivìdidos in su Patu de su Nord Ovest pro s'isvilupu, sa cumpetitividade e sa calidade ambientale e sotziale, sa crèschida culturale in una visione de su territòriu chi potzat afrontare sos problemas e sos bisòngios de totu sos abitantes de su territòriu provintziale colende·nche sas làcanas comunales. Sa missione de su tzentru Europe Direct Provìntzia de Thàthari est de garantire unu protzessu de “acurtziadura” de s'Europa de totu sa sotziedade tzivile, non tràmite un'isportellu informatziones ebbia, ma finas tràmite unu tzentru propulsore de atziones positivas in gradu de incoragiare s'europeizatzione de totu sos atores de sa comunidade provintziale. Pro fàghere un'atzione catalizadora de racordu intre sos sugetos locales e unu mègius servìtziu a s'utèntzia, s'atividade de informatzione e assistèntzia de su Tzentru Europe Direct est assegurada in duas sedes diferentes: sa prima in s'URP, in su Palatzu de sa Provìntzia, pro assegurare un'atzessu fàtzile siat a sos chi bi bivent siat a sos chi benint dae sas comunas de sa provìntzia; sa segunda in sos ufìtzios de su setore de sa Pianificatzione e Programmatzione in Serra Sica. In sa prima sede in s'URP si faghet s'atividade de acollogimentu, informatzione e assistèntzia indiritzada a su pùblicu pro otènnere informatziones pro s'atividade de sa UE, in prus est disponìbile materiale (opùsculos; ghias, publicatziones, etc) de consultare e de distribuire. Sa segunda sede in sos ufìtzios de su setore de sa Pianificatzione e Programmatzione est destinada a s'assistèntzia tècnica de sos atores locales e a su project management pro rechestas prus ispetzìficas subra de sas oportunidades de finantziamentu de sa UE.
