[ Torna all'inizio della pagina ]
Leggi la Notizia
Assegnos de mèritu pro sos istudiantes maturados in su 2007-2008 (lunis, su 20 de santugaine, 2008) (Monday, October 20, 2008)
Argumentu:
- Cultura |
- Istruzione e Educazione |
Su 21 de santugaine ant publicadu su bandu pro sa cuntzessione de assegnos de mèritu in s'annu iscolàsticu 2007-2008 chi tèngiant una votatzione no inferiore a 80/100.
Sa domanda de partetzipatzione cheret cumpilada e imbiada via internet tràmite su mòdulu predispostu in s'indiritzu www.regione.sardegna.it/assegnidimerito intro de sas 24.00 de su 4 de santandria de su 2008.
Sa Regione prèmiat su mèritu cuntzedende un'assegnu de 3.000 èuros pro ogni istudiante in sede e 6.000 èuros pro ogni istudiante foras de sede. Su provedimentu, chi fit isetadu, sighit su bandu giai indiritzadu a sos istudiantes universitàrios chi b'ant rispostu in prus de deghe mìgia. S'interventu promovet sas immatriculatziones e su rendimentu universitàriu artu, a distintu sos istùdios in àmbitu tècnicu-sientìficu, cun s'obietivu finas de generare figuras professionales adeguadas a sos bisòngios odiernos de cumpetèntzias, relativos mescamente a su setore de s'ITC.
Una prima graduatòria, finalizada a su pagamentu de su 50 % de s'assegnu de mèritu, at a èssere predisposta cunforma a custos paràmetros: votatzione de diploma (dae 80/100 a 100/100 e làude); curriculum studiorum, in relatzione a sa durada legale de su cursu e a su tempus impreadu pro leare su tìtulu, cun riferimentu a s'annu iscolàsticu de prima iscritzione de s'Iscola Secundària de II gradu.
Sos iscritos a facultades sientìficas ant a tènnere pretzedèntzia assoluta subra de sos istudiantes iscritos a àteras facultades. Sos benefitziàrios de sa prima graduatòria devent lòmpere, intro de su 30 de cabudanni, a sa pertzentuale de s'80% de sos crèditos formativos prevìdidos pro su primu annu cun una mèdia ponderada no inferiore a 27/30.
Sa domanda de partetzipatzione cheret, pena s'esclusione, cumpilada e imbiada via internet tràmite su mòdulu predispostu in s'indiritzu www.regione.sardegna.it/assegnidimerito intro de sas 24.00 de su 4 de santandria de su 2008. Sa domanda in lìnia cheret a pustis imprentada, firmada e ispedida cun racumandada postale ebbia e devet arribare intro de su 6 de santandria de su 2008.
