[ Torna all'inizio della pagina ]
Patto del Nord-Ovest
Patu pro su Nord-Ovest de sa Sardigna
«unu modellu de isvilupu nou»
Argumentu:
- Programmazione |
S'obietivu est de fraigare una pianificatzione istratègica territoriale capatze de afrontare sos problemas e sos bisòngios comente chi siant problemas de una tzitade dae sas làcanas allargadas. Pro fàghere sèberos profetosos at a tocare tando a afortire sos protzessos de cooperatzione e coordinamentu istitutzionale, oferende sustegnu cuncretu a totu cuddos progetos chi punnant a sa collaboratzione pro favorire s'isvilupu de una polìtica comuna de megioru de su territòriu e de sa bida sotziale.
S'apuntamentu de giòbia 22 de maju in Thàthari, in sa sala cunvegnos de sa Promocamera, in carrera Predda Niedda 18, at a tènnere comente tema tzentrale "Costruire insieme un nuovo modello di sviluppo". Una die de istùdiu, un'apuntamentu abbertu a totu sos atores istitutzionales, econòmicos e sotziales de su territòriu pro illustrare su caminu cumintzadu dae sa Provìntzia cun su "Patto del Nord Ovest Sardegna".
A pagas dies dae su reconnoschimentu otentu dae Expo Italia Real Estate, su cuncursu natzionale annuale promòvidu dae Politècnicu di Milanu, Fiera de Milanu e Ge.Fi. s.p.a., chi at premiadu su Patu comente una de sas mègius atziones de pianificatzione istratègica fatas in su territòriu natzionale, s'amministratzione provintziale torrat a cumintzu s'atividade de animatzione territoriale. Lu faghet cun unu seminàriu in ue a prus de fàghere unas cantas cunsideratziones in su chi s'est fatu dae su 12 de abrile 2007, die de sa sutascritzione de su patu at a èssere possìbile a prenare de àteros cuntenutos cuddu acordu chertu pro fàghere partetzipare in su guvernu de sos protzessos de isvilupu locale totu sos protagonistas de un'àrea, cudda provintziale, chi cheret agatare sas fortzas pro si lassare a palas una crisi mala econòmica e ocupatzionale. S'apuntamentu de giòbia 22 de maju in Thàthari, in sa sala cunvegnos de sa Promocamera, in carrera Predda Niedda 18, at a tènnere comente tema tzentrale "Costruire insieme un nuovo modello di sviluppo". A abbèrrere sos traballos at a èssere su presidente de sa Provìntzia de Thàthari, Alessandra Giudici, chi at a faeddare mescamente de su modellu de programmatzione territoriale, elaboradu dae s'amministratzione provintziale. Pro sa parte tècnica ant a intervènnere Salvatore Masia, dirigente de su setore Programmatzione de sa Provìntzia, e Giovanni Gordiani, speaker de sa Cummissione europea Dg Eac, chi agiudat s'amministratzione in custu tema delicadu e at a faeddare finas de energia e ambiente. De trasportos e mobilidade sustenìbile at a faeddare Jens Peter Oehlenschlaegger, espertu de trasportos chi traballat pro s'Unione europea a su Programma Euro Mediterraneo. Chirca, isvilupu tecnològicu e innovatzione ant a èssere sos temas de sa relatziones de Marco Celi de s'Universidade de Pisa, chi faghet parte de sa Provìntzia. De retzas trasfrontalieras e metodologia in sa definitzione de atziones istratègicas a livellu territoriale ant a faeddare in òrdine Pasquin Cristofari, de sa Collettivité Territoriale Corse, e Pantelis Vassiliou, capu setore de sa Cummissione europea Dg Europe Aid. In contemporànea at a èssere isperimentadu finas La Provincia in_forma: ant a èssere presentes puntos de informatzione cuidados dae su Setore Programmatzione de sa Provìntzia de Thàthari paris cun sos espertos e cun su Team Europe de sa Cummissione Europea.
Cuntatos:
Ufìtzios de su patu pro su Nord Ovest
Telèfonu: +39 079.2069570
Fax: +39 079.2069572
E-mail: patto.no@provincia.sassari.it
