[ Torna all'inizio della pagina ]
Piccola Proprietà Contadina
Agricoltura - Propiedade minore de sos massajos
Argumentu:
- Agricoltura |
Ite est
Est un'agevolatzione fiscale pro sas còmporas e sas pèrmutas de terrinos, destinados a sa formatzione o a s'arrotondamentu de sa propiedade minore de sos massajos, chi permitet de pagare s'1% de tassas de registru (incruidos sos òneres de trascritzione e catastales) contra a sa tassatzione prena de su 18% in su preju decraradu de còmpora.
Chie tenet deretu
Custas agevolatziones ispetant a sa figura de su coltivadore diretu, est a nàrrere a chie si dèdicat issu etotu e a fitianu a su traballu in su sartu e a su bestiàmene, bastis chi sos de su nùcleu familiare chi bi traballant siant a su mancu su 1/3 de sos chi bisòngiant pro traballare sa cussòrgia o in su bestiàmene, gasi comente dispostu dae s'art.48 de sa Lege 2 de làmpadas de su 1961, n.454, e dae s'art. 2083 de su Còdighe Tzivile.
Recuisidos
S'azienda chi si “format” o chi s'”arrotondat” cun s'àutu de còmpora chi si pedit s'agevolatzione devet finas resurtare idònea e rispetare sas finalidades prevìdidas. In pràtica devet èssere un'azienda chi costituat unu mìnimu vitale pro su profilu tècnicu econòmicu e non nche devet colare sas dimensiones prevìdidas pro sa figura de su Coltivadore Diretu. Sa mannària duncas devet semper permìtere a su mere e a sa famìllia, cun s'agiudu de sa mecanizatzione, de contribuire pro a su mancu su 1/3 a sos traballantes chi bisòngiant.
Protzedura
S'agevolatzione cheret invocada in s'àutu notarile e sa cuntzessione arribat a pustis chi est istada dada una tzertificatzione de pedire a sa Provìntzia in ue s'agatat su nùcleu printzipale de su terrinu chi si cheret formare o arrotondare, chi atestet sa cualìfica de coltivadore diretu de su chi còmporat e chi su terrinu rispetet su chi est dispostu dae sa Lege 604/54. Sa Provìntzia dat una tzertificatzione provisòria, de intregare a su notaju chi rogat chi l'at a alligare a s'àutu de comporabèndida in su momentu de sa registratzione. A pustis, intro de tres annos dae sa data de s'àutu notarile, at a èssere dada sa tzertificatzione definitiva de produire a s'Agentzia de sas Intradas pro sa cunfirma de s'agevolatzione.
Rivolto a:
- Impresa |
