[ Torna all'inizio della pagina ]
PO: Italia-Francia Marittimo
PO Itàlia-Frantza “Marìtimu”
«Programma Transfrontalieri»
Argumentu:
- Programmazione |
Sa cooperatzione transfrontaliera de su Programma Itàlia/Frantza Marìtimu tenet sa particularidade de interessare unu territòriu mannu e ricu definidu dae s'ispàtziu marìtimu e costieri de s'Artu Tirrenu.
S'allargamentu de s'ispàtziu de cooperatzione in cunfrontu de sa programmatzione anteriore at a permìtere de aumentare su potentziale de custa zona de cooperatzione dae custos “temas crae”:
-
S'ispàtziu transfrontalieri marìtimu: est a nàrrere chi su mare siat cunsideradu comente oportunidade de isvilupu e risorsa de valorizare, prus chi comente ostàculu a sa continuidade territoriale e a s'isvilupu congiuntu.
-
Sas retzas materiales e immateriales, essentziales pro rèndere prus competitiva e atraente s'àrea de cooperatzione in su cuntestu mediterràneu.
-
Sa cumpetitividade integrada in su cuntestu mediterràneu e globale, est a nàrrere, s'esigèntzia de investire in s'integratzione, sa modernizatzione e innovatzione de su sistema produtivu.
-
Su patrimòniu culturale e naturale: un'impostatzione congiunta in tèrmines de cunservatzione e valorizatzione at a permìtere de otimizare sa gestione de custa richesa, mescamente in una prospetiva de atratividade turìstica de custu ispàtziu tirrènicu.
-
S'iscàmbiu e s'integratzione de funtziones raras e/o de etzellèntzia, est a nàrrere de valorizare s'atzessu a sos servìtzios presentes in s'àrea.
Aprovadu cun Detzisione C(2007)5489 de su 16 de santandria de su 2007. Su programma interessat sa Sardigna, sa Toscana, (Provìntzias de Massa Carrara, Lucca, Pisa, Livorno e Grosseto), sa Ligùria e sa Còrsica. S'obietivu istratègicu previdet de megiorare e cualificare sa cooperatzione intre sas àreas transfrontalieras in tèrmines de atzessibilidade, de innovatzione, de valorizatzione de sas risorsas naturales e culturales, de integratzione de sas risorsas e de sos servìtzios, pro crèschere sa cumpetitividade, a livellu mediterràneu, sud europeu e globale, e assegurare sa coesione de su territòriu e favorire in su tempus ocupatzione e isvilupu sustenìbile. Sas prioridades/asses sunt:
-
Atzessibilidade retzas de comunicatzione;
-
Innovatzione e cumpetitividade;
-
Risorsas naturalese culturales;
-
Integratzione de sas risorsas e de sos servìtzios.
Sas disponibilidades finantziàrias sunt de € 161.976.354 e sunt cuntzentrados mescamente in sas temàticas de s'atzessibilidade e retzas e de sas risorsas naturales e culturales. Pro coadiuvare s'Autoridade de Gestione de su programma (Regione Toscana) s'est costituidu su Coordinamentu de sas Provìntzias chi at cundivìdidu comente mètodu de traballu s'assignatzione de unu “grupu operativu temàticu” a ogni asse de su PO. Pro ogni grupu est istadu individuadu unu ”capufila/responsàbile”. Sa Provìntzia est capufila pro s'asse 3.
